ဘာတွေရှာနေမှန်းလဲမသိ…
ဘာတွေမြင်ချင်နေမှန်းလဲမသိတဲ့ ရင်ဘတ်တစ်ခုဟာ…….
စာရွက်တွေကိုပဲ အရှေ့အနောက် တဖျပ်ဖျပ် လှန်နေပါတော့တယ်။
ဆောင်းညမဟုတ်ပဲ တစ်ကိုယ်စာကွက်ပြီး အေးနေ မှောင်နေ... နှင်းတွေ ၀ဲနေအောင်ကျနေသလို ညမှာ…
ဒီရင်ဘတ်ကို စုပ်ဖြဲပြီး မီးလင်းဖိုထဲ တည့်ရှို့လိုက်ရင်များ………….. ငါ………………. နွေးလာနိုင်မလား။။။။။။။။
မသိတော့ဘူး။
လူနဲ့ အရိပ်နဲ့ လွဲ………
နားနဲ့ နှုတ်ခမ်းနဲ့ လွဲ……..
ပန်းနဲ့ ရနံ့နဲ့ လွဲ……..
နံရိုးတွေ လွဲ……….
ခြေစွတ်လေးတွေ ဘယ်ညာ လွဲ……..
Friday တွေ လွဲ….
အဲ့ဒီအလွဲတွေ….
တဖျစ်ဖျစ်မြည်အောင် လောင်နေပေမဲ့…. အခန်းလေးဟာ နွေးမလာခဲ့ဘူး။
လောင်စာ အလွဲတွေနဲ့ မီးလင်းဖိုလေးဟာ နွေးမပေးတတ်ဘူး…. တဲ့……
မျက်နှာချက်ပေါ်က တစ်လုံးတည်းသော…. အ၀ါရောင် မီးသီး
အလင်းမှိန်မှိန်……..
လှုပ်ရမ်းနေတဲ့ မီးကြိုးအောက်မှာ………… အ၀ါရောင်မီးတွေ
ငါကဖို့ထိုးပေးနေတာလို့………… အထင်မှားတဲ့ အဲ့ဒီလောဘက ငါ့ကို အသေသတ်။
မီးလုံးတစ်လုံးနဲ့ လူတစ်ယောက်…… ရထားတဲ့ အလင်းအမှောင် ။။။ ဘာမှ ငါ့အတွက်မဟုတ်ပြန်ဘူး…..တဲ့...
စိတ်အဆိုင်အခဲတွေ တဖွဲ့ ဖွဲ့ စု…..
နူးညံ့မှုတွေ အထပ်ထပ်ကွာကျ….
မျက်ထောက်ဟာ တနေ့တခြား နီလို့..... လာတယ်။
နှတ်ခမ်းပါးရဲ့ အသွင်ပြောင်းနေတဲ့ အပြုံး လောကသစ်ကိုပေးဖို့ လက်ဆောင်အဖြစ် ထုတ်ပိုးထားတယ်။
အစိမ်းရောင်….. နွယ်ရိုင်းတွေ….. ဒီရင်နံရံပေါ် အမြစ်တွယ်နေတာ ခွာချလို့ ………. မရတော့ဘူး။
တောထဲက... မြူတွေ………. မီးခိုးတွေ…… အခန်းထဲကို အလုအယက် တိုး... တိုး....၀င်လာကြ……….
စကားမပြောတတ်တဲ့ ဒိုင်ရာရီ အညိုရောင်လေး….
အသက်မဲ့တဲ့ စာရွက်ဖြူတွေပေါ်မှာ…
သူ့ အသက်ဖြစ်တဲ့ အသံတွေကို …………. ညရဲ့ မာနကြီးတဲ့ ၀ိညဉ်ဟာ…….
အဖုန်းတွင်းမှာ ……… သူ့ ဒိုင်ရာရီလေးကို ရက်ရက် စက်စက် လျှာဖြတ်ထားခဲ့တယ်….
အဖုန်းတွင်းမှာ ………
မျက်ရည်ပူငွေ့နဲ့ လောင်ကျွမ်းနေသော မှင်ပြာရောင် စကားများ…. အသံများ…..
ညလယ်ရဲ့ လရောင်အောက်မှာ………… အသွင်ပြောင်းဖို့ …..
တိတ်တစိတ် ………….
စောင့်။
3 comments:
ဂလိုပြောရမလဲ.. ကောင်းတာထက် ပိုနေတယ်....
အမြစ်တွေ တွယ်နေတုံးပဲ ..... ပြတ်ကျ ... အဆိပ်တွေ က ကင်ဆာကို ပြန်စားသွားပြီ ..
Post a Comment